Sunnhordland Sumarkorps 2023

Sumarkorpset 2020 va ein super ide. Hadde ikkje tenkt å melde meg på men så gjorde eg det i siste sekund... Og angra ikkje. Blei kjent med mange andre korpsmusikanter... Musikken va variert og spennende og litt utfordringer underveis sio me ikkje hadde så lang tid på å øve da inn. Men løye ka me får te når ein vill.. Vurdere å melde meg på i år og. Du har gjort ein kjempe flott jobb Robert.

- Heidi (Trompet/kornett)

Å delta på Sumarkorps 2020 var utruleg kjekt. Fantastisk å treffa og spela i lag med mange andre kjekke folk. Repertoaret var særs variert og alle i korpset fekk vist seg fram frå si beste side. Øvingane var av høg kvalitet og munna ut i ein flott konsert i Nysæther Kyrkje.

Ved å delta på Sumarkorps vil du få moglegheita til å spela variert musikk under leiing av dyktige instruktørar. Du får ta del i ei rekkje sosiale aktivitetar og sjansen er også stor for å stifta nye bekjentskap. Har du spelt ein del år vil du truleg møte fleire kjenningar også. Eg har berre ein ting å seia: meld deg på til neste Sumarkorps!

- Henrik(Klarinett)

Sumarkorpset var ei fantastisk oppleving. Det var inspirerande, motiverande og givande både sosialt og musikalsk. Her får ein mogelegheita til å utfordre seg sjølv på repertoar som gjerne er meir krevjande enn det ein får bryne seg på i skulekorps og i enkelte musikklag i nærområdet. Ein får også ei unik sjangse til å spele saman med både profesjonelle musikarar, men også amatørar som verkeleg brenn for korps. Dette er ein mogelegheit til å utvikle seg som musikar individuelt men også i samspelet, her speler me kvarandre gode. Det er også mykje kjekt sosialt i form av ulike aktivitetar og påfunn, rundt måltid og i pausane. Med Sumarkorpset får ein nemleg både ei fantastisk musikalsk oppleving, men også nye gode vener som brenn for korps akkurat slik som du! -Ida(Fløyte)

Eit kjekt, bra og nyttig tilbod i området. Eg kjenner ikkje til noko anna som samlar korpsa og ungdommen (dei vaksne og forsåvidt) under same dirigent. Me treng ikkje meir av at korpsa kun jobbar for seg sjølv i kvar sin krok. Eg opplever det som noko alle korpsingar i Sunnhordland burde vore innom. Det passar for musikk-utdanna og hobby-musikant. Det er varierande musikk, gode instruktørar og mykje godt sosialt. Og øvingane er nokså bra fordelt. Fint med ein pausedag, og ikkje for lange øvingsdagar - slik som dei fleste kurs har (frå morgon til kveld).

- Helga(trombone)